काठमाडौं- आईसीसी विश्वकप क्रिकेट २०१९ खेल्ने बंगलादेश क्रिकेट टोलीको घोषणा भएको छ । मंगलबार बंगलादेश क्रिकेट बोर्डले १५ सदस्यीय टोलीको घोषणा गरेको हो । टोलीको कप्तानी मसहरफ मोरताजले गरेका छन् ।

कप्तान मोरताजसँगै टोलीमा तमिम इक्वाल, लिटोन दास, सोउम्या सरकार, मुस्फीक्युर रहिम छन् । यस्तै, महमुदुल्लाह, साकिब अल हसन, मोहम्मद मिथुन, सबिर रहमान र मोसद्देक्स होसान छन् भने मोहम्मद सैफुद्दीन, मेहदी हसन, रुवेल होसानी, मुस्तफिजुर रहमान र अवु जायद टिममा रहेका छन् ।

मे ३० देखि जुलाई १४ सम्म इङ्ग्ल्यान्ड र वाल्समा संयुक्त रुपमा आयोजना हुने विश्वकप क्रिकेटका लागि सहभागी राष्ट्रहरुको टिम घोषणा भइरहेका छन् । यसअघि न्युजिल्यान्ड, भारत र अस्ट्रेलियाले टोलीको घोषणा गरिसकेका छन् ।