काठमाडौं– सर्वोच्च अदालतका प्रस्तावित ५ जना न्यायाधीशविरुद्ध ५ ओटा उजुरी परेका छन् ।

संसदीय सुनुवाई समितिले गरेको आह्वानमध्ये प्रस्तावित ५ जनामध्ये २ जनाविरुद्ध व्यक्गित उजुरी परेका छन् ।

संसदीय सुनुवाइ समिति स्रोतका अनुसार प्रस्तावित न्यायाधीश प्रकाश ढुङ्गानाविरुद्ध २ र हरिप्रसाद फुयाँलविरुद्ध १ ओटा व्यक्तिगर उजुरी परेका छन् ।

अन्य २ उजुरीमा भने कसैको नाम उल्लेख नगरिएको सुनुवाइ समिति स्रोतले जानकारी दियो ।

प्रस्तावित न्यायाधीशविरुद्ध परेका उजुरी खोल्न मंगलबार संसदीय सुनुवाइ समितिको बैठक बस्दै छ ।

मंगलबार दिउँसो २ बजे बस्ने बैठकमा उजुरी खोलेर उजुरीकर्तासँग छलफल गरिने समिति सभापति लक्ष्मणलाल कर्णले खबरहबलाई जानकारी दिए ।

उजुरीकर्तासँगको छलफलपछि न्यायाधीशहरुको सुनुवाइ शुरु हुने सभापति कर्णको भनाइ छ ।