रुपन्देही- नेपाली कांग्रेसका केन्द्रीय सदस्य डा रामशरण महतले कानून विपरीत गतिविधि गर्न कसैलाई छुट नभएको बताएका छन् ।
शुक्रबार बुटवलमा आयोजित साक्षात्कारमा महतले देशमा शान्ति सुव्यवस्था कायम राख्न सरकार गम्भीर हुनुपर्ने बताए । मन्त्रिपरिषद्ले नेकपालाई प्रतिबन्ध लगाउँदैमा मुलुकमा नेत्रविक्रम चन्द ‘विप्लव’ का गतिविधि नरोकिने भएकाले वार्ताको माध्यमबाट द्वन्द्व समाधान गर्नुपर्ने नेता महतले सरकारलाई सुझाव दिए ।
विप्लव समूहमाथि सरकारले लगाएको प्रतिबन्ध ठिक की बेठिक भन्ने प्रश्नमा उनले कानून विपरीत गतिविधि गर्न कसैलाई छुट नभएको बताए । नेता महतले सङ्गठनात्मक कमजोरीका कारण पार्टीमा समस्या रहेको उल्लेख गरेका छन् ।
प्रतिक्रिया