काठमाडौं– नीजि क्षेत्रको सबैभन्दा आक्रामक बैकिङ सेवा प्रदान गर्दै आएको एनआईसी एशिया बैंकले चालु आर्थिक वर्षको पहिलो त्रैमासिकमा एक अर्ब ९६ लाख रुपैयाँ नाफा गरेको छ ।

पहिलो त्रैमासमा अर्ब भन्दा धेरै नाफा गर्ने नीजि क्षेत्रको दोस्रो बैंकको रुपमा देखिएको एनआइसी एसिया बैंकको वितारण योग्य नाफा भने ४४ करोड ८४ लाख रुपैयाँ रहेको छ ।

बैंकले आज सार्वजनिक गरेको चालु आर्थिक बर्षको पहिलो त्रैमासिक विवरणअनुसार एक अर्ब ९६ लाख रुपैयाँ खुद नाफा गरेको छ । अघिल्ले आर्थिक वर्षमा ७५ करोड २६ लाख रुपैयाँ खुद नाफा गरेको बैकको यसवर्ष ३४.१४ प्रतिशतले नाफा बढाएको हो ।

बैकका अनुसार गत असोजसम्ममा बैंकमा १ खर्ब ७८ अर्ब ९२ करोड रुपैयाँ निक्षेप रहेको छ भने १ खर्ब ५८ अर्ब ६१ करोड रुपैयाँ कर्जा प्रबाह गरेको जनाएको छ ।

बैंकको खुद ब्याज आम्दानी करिब २ करोडले घटेको देखिएको छ । ९ अर्ब ७१ करोड ७६ लाख रुपैयाँ चुक्ता पुँजी भएको बैंकको सञ्चित कोषमा ४ अर्ब ५० करोड रुपैयाँ रहेको छ ।

गत असोजसम्ममा बैंकको आधार ब्याजदर घटेर ९.५१ प्रतिशत कायम भएको छ । अघिल्ल्ओ आर्थिक वर्षको पहिलो तीन महिनामा बैंकको आधार ब्याजदर १०.७७ प्रतिशत थियो ।

चालु आर्थिक वर्षको असोजसम्मको तथ्याङक अनुसार बैंकको प्रतिसेयर आम्दानी ४०.७८ रुपैयाँ छ ।