जोमसोम– प्रहरीले मुस्ताङमा पदयात्राका क्रममा भीरमा फसेकी फ्रान्सेली नागरिकको उद्दार गरेको छ।

राउन्ड अन्नपूर्ण सर्किट हुँदै मुस्ताङ पदयात्राको क्रममा ५ घण्टासम्म भीरमै अलपत्र परेकी ३२ वर्षीया फ्रान्सेली महिला मारिने चर्लोत्ते तचातको प्रहरीले शुक्रबार सकुशल उद्दार गरेका हो ।

बारागुङ मुक्ति क्षेत्र गाउँपालिका–१ स्थित सिङघोपु भन्ने स्थानमा उनी अलपत्र परेकी थिइन् ।

मुस्ताङका प्रहरी प्रवक्ता आशीष अधिकारीका अनुसार उद्दार गरिएकी महिला एक साताअघि एक्लै मनाङदेखि थ्रोरङ्लापास हुँददै मुस्ताङको जोमसोम आउने क्रममा थिइन् ।

उनी भीरमा अलपत्र परेको सूचना दिउँसो ३ बजे प्रहरीलाई जानकारी गराइएको थियो । उनीसँग जीपीएस भएकाले अलपत्रपरेको सूचना फ्रान्सेली दूतावासलाई जानकारी गराएकी थिइन् ।

यसपछि दूतावासले मुस्ताङ प्रहरीलाई सूचना गरेको प्रहरी प्रवक्ता अधिकारीले बताए ।