वीरगन्ज– पर्सा प्रहरीले साढे ७ लाख रुपैयाँसहित २ जना हुण्डी कारोबारीलाई पक्राउ गरेको छ ।
जिल्ला प्रहरी कार्यालय पर्साबाट खटिएको प्रहरीले भारती नम्बर प्लेट बीआर–०५–एबी ६३०२ को मोटरसाइकलमा सवार २ जनालाई ७ लाख ४९ हजार ५ सय रुपैयाँसहित पक्राउ गरेको हो ।
पक्राउ पर्नेमा भारतको रक्सौल घर भएका २० वर्षीय सोनु कुमार र सोही ठाउँका २० वर्षकै अंकित कुमार छन् ।
प्रहरीका अनुसार उनीहरु विगत केही समयदेखि हुण्डी कारोबार संलग्न रहेका पाइएको छ ।
प्रहरीले उनीहरुमाथि बैंक तथा वित्तीय कारोबारसम्बन्धी ऐनअन्तर्गत अवैध वित्तिय कारोबार (हुण्डी)मा म्याद थप गरी अनुसन्धान भइरहेको जनाएको छ ।
प्रतिक्रिया