काठमाडौं– ठगी अभियोगमा पक्राउ परेका व्यवसायी रुप ज्योतिविरुद्ध मुद्दा चलाउन पर्याप्त आधार नभएको सरकारी वकिलको कार्यालयले अदालतमा राय दिएको छ ।

जिल्ला अदालत सरकारी वकिलको कार्यालय काठमाडौंले रुप ज्योतिविरुद्ध ठगीको मुद्दा चलाउन नमिल्ने राय जिल्ला अदालत काठमाडौंलाई दिएपछि उनीविरुद्ध मुद्दा नचल्ने भएको हो ।

जिल्ला न्यायाधीवक्ता चन्द्रकान्त खनालले मुद्दा नचलाउने निर्णय भएको र प्रहरीलाई जानकारी दिएर हिरासत मुक्त गर्न भनेको बताए ।

प्रहरीले गरेको अनुसन्धानबाट ठगीको मुद्दा चलाउन प्रमाण नपुग्ने भएको भन्दै मुद्दा नचलाउन राय दिइएको जनाइएको छ ।

सरकारी वकिलको कार्यालयले हिरासतमा रहेका व्यवसायी ज्योतिलाई रिहा गर्न समेत महानगरीय प्रहरीलाई लेखेर पठाएको छ ।