काठमाडौं- सगरमाथा टेलिभिजनमा ‘जीवनमन्त्र’ कार्यक्रम संञ्चालन गर्दै आएका एस्ट्रो राजले बुटवलमा ज्योतिष सम्बन्धी विविध विषयमा अन्तरक्रिया गर्ने भएका छन् ।

यही कार्तिक २, ३ र ४ गते एस्ट्रो राजले बुटवलका स्थानीयहरुसँग भेटघाट गरी उनीहरुको ग्रह दशा तथा फलादेश गर्ने कार्यक्रम राखेका छन् । उनले यसअघि पनि काठमाडौं उपत्यका बाहिरका विभिन्न शहरमा पुगेर स्थानीयहरुको ग्रहदशा फलादेश गर्ने कार्यक्रम गरेका थिए ।

यसअघि उनले बाँकेको नेपालगञ्ज, चितवन, कास्कीको पोखरा, रुपन्देही, नवलपरासी, झापा, इटहरी, विराटनगर, धरान, वीरगंज लगायतका ठाउँमा पुगेर स्थानीयसँग प्रत्यक्षरुपमा ज्योतिसम्बन्धी अन्तरक्रिया गरेका थिए ।

एस्ट्रो राजले खबरहब डटकममा दैनिक राशिफल लगायत ज्योतिष शास्त्र सम्बन्धी समाचार, टिप्पणीहरु लेख्दै आएका छन् ।