काठमाडौं– चाडपर्वलाई लक्षित गरी सरकारले ६७ वटा सुपथ मूल्य पसल सञ्चालनमा ल्याएको छ ।

वाणिज्य मन्त्रालयका अनुसार खाद्य प्रविधि तथा व्यवस्था कम्पनी र साल्ट ट्रेडिङ्गबाट सञ्चालनमा आउनुपर्ने ७३ मध्ये ६ वटा खुल्न बाँकी रहेका हुन् । साल्ट ट्रेडिङ्गको तीन र खाद्य व्यवस्था कम्पनीको तीन गरी ६ वटा पसल सञ्चालनमा आउन बाँकी रहेको वाणिज्य विभागले जनाएको छ ।

सरकारले साल्ट ट्रेडिङ, खाद्य व्यवस्था तथा व्यापार कम्पनी र दुग्ध विकास संस्थानले सञ्चालन गर्ने गरी देशभर ७३ वटा पसल सञ्चालन गर्ने निर्णय गरेको थियो ।

भदौ २३ गते उद्योग वाणिज्य तथा आपूर्ति मन्त्री मातृकाप्रसाद यादवले रामशाह पथमा सुपथ मूल्य पसल उद्घाटन गरेका थिए । सोही दिनबाट उपत्यकामा ३ वटा पसल घुम्ती पसलसहित देशभर झण्डै ६० भन्दा धेरै सुपथ मूल्य पसल सञ्चालनमा आएका थिए ।