काठमाडौं– वायु सेवा संचालक संघ नेपालले चाडपर्वलाई लक्षित गरी आगामी असोज १२ देखि कार्तिक १७ गतेसम्म हवाई भाडामा १० प्रतिशत छुट दिने निर्णय गरेको छ ।

आज बसेको संघको बैठकले दशैदेखि छठसम्म हवाई यात्रा गर्ने यात्रुहरुलाई हवाई भाडामा १० प्रतिशत छुट दिने निर्णय गरेको हो ।
दशै छुटको अफर पाउनका लागि यात्रुले वायुसेवा कम्पनीको काउन्टरबाटै टिकट खरीद गर्नुपर्ने संघले जनाएको छ ।

‘टिकट आजै खरीद गरे पनि उड्ने दिन १२ असोज देखि १७ कात्तिकभित्र पर्नु पर्‍यो, टिकटमा १० प्रतिशत छुट पाइन्छ,’ आयोनका सदस्य प्रज्ववल थापाले भने ।

१२ असोज देखि १७ कात्तिकसम्म दशै‌, तिहार, छठलगायतका चाड पर्छन् । दशैं–तिहारमा यात्रुहरुको बढी चाप हुने भएकाले अतिरिक्त उडान थप्ने व्यवस्था पनि मिलाइएको संघले जनाएको छ ।

यस्तो छ विज्ञप्ति