काठमाडौं– नेपाल विद्युत प्राधिकरणले घर भाडामा बस्ने व्यक्तिसँग बिजुलीको बिलभ नेर बढी पैसा असुल नगर्न घरबेटीहरुलाई चेतावनी दिएको छ ।

घरबेटीहरुले भाडामा बस्नेहरुसँग बिजुलीको बिल भनेर तोकेको भन्दा बढी पैसा असुल्ने गरेको भन्दै प्राधिकरणले यस्तो प्रवृतिका विरुद्ध अब कडाइका साथ लागिने चेतावनी दिएको छ ।

नेपाल विद्युत प्राधिकरणको कार्यकारी निर्देशक भएको तीन वर्ष पूरा भएको अवसर पारेर आइतबार पत्रकार सम्मेलन गर्दै कुलमान घिसिङले भाडामा बस्नेहरुसँग बिजुलीको बिलका नाममा बढी पैसा असुल्नेविरुद्ध कारबाही प्रक्रिया थालिने चेतावनी दिए ।

‘घरबेटीले प्रतियुनिट महसुल बढाइर व्यापार गर्न पाइँदैन् । भाडामा बस्ने व्यक्तिले पनि जति बिल आउँछ त्यति नै दिनुहोस्,’ घिसिङले भने, ‘अहिले प्राधिकरणलाई १३ रुपैयाँ दिएर घरबेटीहरुले २० रुपैयाँ असुल गर्ने गरेको गुनासो आएको छ ।’