काठमाडौं– गृहमन्त्री रामबहादुर थापा ‘बादल’ले बाँकेमा भएको घटना (झडप)मा नेकपा कार्यकर्ता संलग्न हुन सक्ने बताएका छन् ।

घटनामा जोसुकैको संलग्नता भए पनि दोषी देखिएकाहरुलाई कारबाही गरिने पनि गृहमन्त्री बादलले प्रतिवद्धता जनाएका छन् ।

प्रतिनिधिसभाको आइतबार बसेको बैठकमा प्रमुख प्रतिपक्षी दल नेपाली कांग्रेसले उठाएको प्रश्नको जवाफ दिँदै गृहमन्त्री थापाले बाँके घटना सत्तारुढ दल (नेकपा)को कुनै निर्देशन दिएर नभएको पनि स्पष्ट पारेका छन् ।

‘सरकारले बाँकेमा भएको घटनालाई सरकारले गम्भीर रुपले लिएको छ । नेकपाले कुनै निर्णय गरेर नेपाली कांग्रेसको कार्यक्रमलाई विथोल्ने भन्ने रुपमा यो घटना भएको हैन,’ गृहमन्त्री थापाले भने, ‘यो घटनामा संलग्नहरु नेकपाका कार्यकर्ता हुन सक्छन् ।’