नयाँ दिल्ली– भारतीय प्रधानमन्त्री नरेन्द्र मोदीले आफ्ना लागि राजनीतिक भविष्यको कुनै चिन्ता नरहेको बताएका छन् ।
भारतको स्वतन्त्रता दिवसका दिन लालकिलाबाट सम्बोधन गर्दै प्रधानमन्त्री नरेन्द्र मोदीले आफ्ना लागि भारत पहिलो प्राथमिकता रहेको र राजनीतिक भविष्य आफ्ना लागि प्राथमिकतामा नपर्ने जनाएका हुन् ।
७३ औं स्वतन्त्रता दिवसका दिन सम्बोधन गर्दै मोदीले भने, ‘हामी विभिन्न किसिमबाट सोच्न सक्दछौं तर हाम्रा लागि भारत पहिलो हो । मेरा लागि भारतको भविष्य मुख्य कुरा हो र मलाई राजनीतिक भविष्यको चिन्ता छैन ।’
उनले भने, ‘राजनीति आउँछ जान्छ तर मुलुकको स्वार्थलाई केन्द्रमा राखेर गरिएका कदमहरु महत्वपूर्ण हुन् ।’
प्रतिक्रिया