काठमाडौं– नेपाली राष्ट्रिय भलिबल टोलीले अफगानिस्तानी टोलीसँगको अन्तर्राष्ट्रिय मैत्रिपूर्ण खेलमा रोमाञ्चक जित हात पारेको छ ।

लगनखेलस्थित त्रिभुवन आर्मी क्लबको कर्भडहलमा बुधबार भएको खेलमा नेपालले अफगानिस्तानलाई ३–२ को सेटमा पराजित गरेको हो ।

४ सेटको खेलमा २–२ बराबरी भएपछि खेल वेष्ट अफ फाइफमा धकेलिएको थियो । खेलको अन्तिम सेटमा नेपाली टोलीले १५-१२ स्कोरमा जीत हात पारेको हो ।

पहिलो र दोस्रो सेटमा लगातार २५–२२ र २५–१५ को स्कोरमा जीत हात पारेको अफगानिस्तानविरुद्ध नेपाली टोलीले तेस्रो सेटमा मात्रै लय समात्न सकेको थियो । त्यसपछि लगातार तेस्रो र चौथो सेटमा नेपालले २६–२४, २६–२४ स्कोरको रोमाञ्जक जीत हात पारेको थियो ।

१ बर्षपछि अन्तर्राष्ट्रिय खेल खेलेको नेपाली टोलीले उत्कृष्ट प्रदर्शन गरेको छ । अफगानिस्तानसँगको मैत्रिपूर्ण खेलले नेपाली टोलीलाई भदौ २ गतेदेखि ८ गतेसम्म नेपालमा आयोजना हुनेछ । यो मत्रीपूर्ण खेललाई एभिसी सेन्ट्रल जोन च्याम्पियनसिपको वाम अफ खेल हो ।