रुकुम– रुकुम पश्चिममा अबैध लागुऔषध सहित २ जना पक्राउ परेका छन् । १२ किलो अफिम र चरेस सहित उनीहरुलाई प्रहरीले जिल्लाको आठबिसकोट नगरपालिका-४ अनाहबाट पक्राउ गरेको हो ।
पक्राउ पर्नेमा जाजरकोट त्रिबेणी नलगाड नगरपालिका १३ का ४२ वर्षीय धनबहादुर मल्ल र वडा नम्बर १२ का ३० वर्षीय चन्द्रबहादुर शाही रहेका छन् ।
आठबिसकोटबाट डोल्पातर्फ जाँदै गर्दा उनीहरुलाई प्रहरीले पक्राउ गरेको हो । उनीहरुको साथबाट ७ किलो चरेस र ५ केजी अफिमसँगै ५० हजार नगद बरामत गरिएको जिल्ला प्रहरी कार्यालय रुकुम पश्चिमका प्रमुख सुमित खड्काले जानकारी दिए ।
प्रतिक्रिया