जाजरकोट– जाजरकोटको रिम्नामा यात्रुबहाक बस दुर्घटना हुँदा ज्यान गुमाउने चार जनामध्ये दुई जनाको सनाखत भएको छ ।

जगदुल्ला गाउँपालिका–४ डोल्पाका ४८ वर्षीय मिनबहादुर बोहोरा र बसका सहचालका सल्यानका हरि बहादुर राउतको सनाखत भएको हो । अन्य दुई जनाको सनाखत हुन बाँकी रहेको प्रहरीले जनाएको छ ।

नेपालगञ्जबाट रुकुमको राडीतर्फ जाँदै गरेको भे १ ख १३२९ नम्बरको बस हिजो भेरी नगरपालिका १ रिम्नामा दुर्घटना हुँदा भेरी नदी किनारामा खसेको थियो ।

बस दुर्घटनामा ९ जना घाइते भएका छन् । घाइते दुई जनाको उपचारका लागि नेपालगञ्ज पठाइएको छ भने ४ जनाको जाजरकोट अस्पताल र अन्य २ जनाको स्थानीय अस्पतालमा उपचार भइरहेको छ । सामान्य घाइते एक जनाको उपचारपछि घर फर्काइएको छ ।

बसमा १३ जना सवार रहेका थिए । चाकलकको लापरबाहीका कारण गाडी दुर्घटना भएको प्रहरीले जनाएको छ । बसका चालकलाई प्रहरीले नियन्त्रणमा लिएको छ ।