काठमाडौं– काठमाडौं महानगरपालिकाका नायव सुब्बा घुस रकमसहित पक्राउ परेका छन् ।
महानगरपालिकाको सामाजिक विकास विभाग बबरमहलमा कार्यरत नायव सुब्बा कृष्ण प्रसाद सोती १ लाख ७ हजार रुपैयाँ घुससहित पक्राउ परेका हुन् ।
सोतीले सामाजिक विकास विभागअन्तर्गत सञ्चालित कार्यक्रमको भुक्तानी गरेवापत घुस माग गरेका थिए । सोही सूचनाका आधारमा अख्तियार दुरुपयोग अनुसन्धान आयोगको टंगालस्थित कार्यालयबाट खटिएको टोलीले नासु सोतीलाई घुस लिँदा लिँदै रंगेहात पक्राउ गरेको हो ।
सोतीलाई बबरमहलस्थित महानगरपालिकाको कार्यालय क्षेत्रबाटै पक्राउ गरिएको अख्तियारका प्रवक्ता प्रदीपकुमार कोइरालाले जानकारी दिए ।
प्रतिक्रिया