काठमाडौं – घरेलु टोली इंग्ल्याण्डले १२ औं संस्करणको आईसीसी क्रिकेट विश्वकप उपाधि हात पारेको छ ।
लण्डनमा आइतबार भएको रोमान्चक फाइनलमा न्युजिल्याण्डलाई सुपर ओभरमा पराजित गर्दै इंग्ल्याण्डले उपाधि हासिल गरेको हो । पहिलो पटक विश्वकप क्रिकेटको उपाधि जितेको इंग्ल्यान्डले विश्वकप जित्ने नयाँ राष्ट्र बनेको छ ।
इंग्ल्याण्डले घरेलु मैदानमा सम्पन्न विश्वकपको उपाधिसँगै ४० लाख अमेरिकी डलर पुरस्कार प्राप्त गरेको छ ।
यस्तै, उपविजेता बनेको न्युजिल्याण्डले २० लाख अमेरिकी डलरमा चित्त बुझायो भने सेमिफाइनलमा पराजित भएका भारत र अस्ट्रेलियाले ८–८ लाख डलर प्राप्त गरेको छ ।
प्रतिक्रिया