काठमाडौं-कान्तिपुर एकेडेमी हाईस्कुलका प्रिन्सिपल बालकुमार गुरुङको निधनको शोकमा भोलि (आइतबार) बिदा हुने भएका छन् । निजी विधालयहरुको छाता संगठन एन प्याब्सन काठमाडौंका सहसचिव , एनप्याव्सन गोकेर्णेश्वर नगरकमिटीका अध्यक्ष एवं बौद्ध पिपलबोटमा अवस्थित कान्तिपुर एकेडेमी हाईस्कुलका प्रिन्सिपल बालकुमार गुरुङको असामयिक निधनको शोकमा काठमाडौँका सम्पुर्ण निजी विधालयहरु बन्द हुने भएका छन् ।

प्याब्सन काठमाडौं र एन प्याब्सन काठमाडौंले संयुक्त रुपमा आइतवार काठमाडौं भरिका सम्पुर्ण निजी विद्यालय बन्द गर्ने निर्णय गर्दै सोही अनुसार कार्यान्वयन गर्न आफ्ना सदस्य विधालयहरुलाई अपिल गरेका छन् ।

प्याब्सन काठमाडौंका अध्यक्ष हरिकृष्ण श्रेष्ठ र एनप्याब्सन काठमाडौंका अध्यक्ष विष्णु पराजुलीले हस्ताक्षर गरेर एक विज्ञप्ती जारी गर्दै आइतवार निजी विधालय बन्द गर्ने जानकारी गराएका हुन् ।

लामो समय देखि शिक्षा क्षेत्रमा सक्रिय गुरुङको उपचारका क्रममा बिहीबार मेडिसिटी हस्पिटलमा निधन भएको थियो । ब्रेन ह्यामरेजको अपरेशसन असफल भएपछि उनको निधन भएको पारिवारिक स्रोतले जानकारी दिएको छ । उनको शनिबार २ बजे पशुपति आर्यघाटमा अन्तिम संस्कार गरिनेछ ।

जारी विज्ञप्ती यस्तो छ