मुम्बई – टाइगर श्राफ, अनन्या पाण्डे र तारा सुतारिया स्टारर फिल्म ‘स्टुडेन्ट अफ द इयर २’ बक्स अफिसमा खासै कमाइ गरेको छैन । रोमान्टिक ड्रामा भनिएको यो फिल्मले पाँच दिनमा ५ दिनमा ५० करोड पनि कमाइ गर्न सकेन । विकेन्डमा यसको कमाइ झन् कम हुँदै गएको छ । यो फिल्मले पाँच दिनमा ४९ करोड ३७ लाख रुपैयाँ कमाइ गरेको छ ।

फिल्मको सोमबारका हिसाबमा मंगलवारको कमाइमा खासै गिरावट आएको छैन । तर फिल्मले ५० करोड पनि कमाएको छैन । यो फिल्मले भारतमा शुक्रवार १२ करोड, शनिवार १४ करोड, त्यस्तै आइतवार १२ करोड ७५ लाख र सोमबार ५ करोड ५२ लाखको कमाइ गरेको छ । फिल्मको मंगलवारको कमाइ ५ करोड २ लाख मात्र छ ।

टाइगर श्राफको यो फिल्मले खासै कमालको व्यापार गर्न सकेन । उनको पछिल्लो रिलिज फिल्म ‘बागी २’ का अगाडि ‘स्टुडेन्ट अफ द इयर २’ ले निकै निराशाजनक व्यापार गर्‍यो ।

‘स्टुडेन्ट अफ द इयर २’ लाई पुनित मल्होत्राले निर्देशन गरेका थिए । उनले निर्देशन गरेका दुई फिल्म पनि बक्स अफिसमा पानी पनि भन्न पाएका थिएनन् । यो फिल्मबाट अनन्या पाण्डेलाई चाहिँ बलिउडकी सम्भावित स्टारका रुपमा हेरिएको छ ।