काठमाडौं– एएफसी कप अन्तर्ग्त भारतीय क्लब मिनर्भा पञ्जावविरुद्द नेपालको लिग च्याम्पियन मनाङ मर्स्याङ्दी क्लबले बराबरी खेलेको छ।

सातदोबाटोस्थित एन्फा मैदानमा भएको खेलमा मनाङले पञ्जावसँग १-१ गोलको बराबरी खेलेको हो।

खेलको पहिलो हाफमा १ गोलले पछि परेको मनाङले दोस्रो हाफमा गोल गर्दै बराबरी गरेको हो। पञ्जावका लागि खेलको ४० औं मिनेटमा मोइरानगेथाम थोइब सिंहले गोल गर्दै टिमलाई अग्रता दिलाएका थिए ।

पहिलो हाफमा थप गरिएको समयमा पञ्जावका खेलाडि प्रतीक जोशीले मनाङका खेलाडी माथि फाउल गरेपछि रातो कार्ड पाउँदा पञ्जाव १० खेलाडीमा सीमित भयो । त्यसपछि मनाङका लागि ८१ औं मिनेटमा अञ्जन बिष्टको क्रसमा साहेद अजिजले गोल गरेका थिए।

बराबरी खेलको मनाङको अंक तालिकामा २ अंक भएको छ भने मिनर्भाको ४ अंक रहेको छ।