अमृतसर– भारतको जेलबाट मुक्त भएका १९ जना पाकिस्तानी कैदीबन्दी स्वदेश पुगेका छन् ।

उनीहरु अट्टारी–वागा सीमा हुँदै पाकिस्तान पुगेका हुन् । विभिन्न समयमा विना प्रवेशआज्ञा र गैरकानूनी रुपमा भारत पुगेका पाकिस्तानलाई भारतले फत्राउ गरि जेल चलाउन गरेको थियो ।

जसमध्ये हालै भारत सरकारले १९ जनालाई कैदीबन्दीलाई रिहा गर्न आदेश दिएको थियो ।

भारतको जेलबाट मुक्त भएका पाकिस्तानी नागरिक विकास अहमदले आफूले १० वर्ष जेलमा विताउनु परेको बताए ।

भारतले उनलाई सन् २००९ मा विना प्रवेशआज्ञा आफ्नो सीमा क्षेत्रमा प्रवेश गरेको भन्दै पक्राउ गरेको थियो ।

१३ महिना भारतीय जेलमा विताएर मुक्त भएका एक माझी मुस्तफाले भारले आफ्नो जेलमा रहेका पाकिस्तानीलाई छाड्नु स्वागतयोग्य कदम रहेको बताएका थिए ।

उनी समुद्रमा माछा मार्ने क्रममा अन्जानबस भारतीय सीमा क्षेत्रमा प्रवेश गरेपछि पक्राउ परेका थिए ।

भारत र पाकिास्तानको सीमा जोडिएका क्षेत्रबाट हरेक वर्ष दुई देशका नागरिक एक–अर्काको सीमाबाट पक्राउ पर्ने गर्छन् ।

विशेष गरी माछा मार्ने माझीहरु भुलबस अर्को देशको सीमामा प्रवेश गर्दा पक्राउ पर्छन् । भारतीय माझीहरु पनि ठूलो संख्यामा पाकिस्तानी जेलमा रहको बताइन्छ ।

गत अप्रिल महिनामा मात्रै भारतको अनुरोधमा पाकिस्तान सरकारले आफ्नो जेलमा रहेका ६० जना भारतीयलाई रिहा गरेको थियो ।