मुम्बई – बलिउड अभिनेत्री कृति सेननले अहिलेसम्म ५ फिल्ममा काम गरेकी छिन् । तीमध्ये ३ फिल्म सुपरहिट रहे । उनको पछिल्लो फिल्म ‘लुका छुपी’ पनि हिट रह्यो । फिल्मले राम्रो आम्दानी गर्‍यो । यो फिल्मले विश्वव्यापी रुपमा १ सय २० करोड कमाइ गरेको थियो ।

‘लुका छुपी’ सफल भएपछि सेननको कन्फिडेन्स बढेको छ । खबरका अनुसार यी नायिकाले आफ्नो पारिश्रमिक बढाएकी छिन् । रिपोर्टका अनुसार उनले पारिश्रमिक बढाएकी छिन्, यसको कारण उनका फिल्म हिट भएका छन् । उनलाई विश्वास छ कि, फिल्मलाई सफल बनाउने भारी आफू बोक्न तयार छिन् ।

खबरका अनुसार उनी फिल्म ‘हाउसफूल ४’ मा पनि काम गर्नेवाला छिन् । यस्तै उनी अमर कौशिकको निर्देशनमा बन्न लागेको फिल्ममा पनि हुनेछिन् ।

भारतीय मिडियाको दाबीलाई आधार मान्ने हो भने उनले वर्तमानमा लिएको पारिश्रमिकभन्दा ४० प्रतिशत बढी पारिश्रमिकको माग गर्न थालेकी छिन् । उनका केही फिल्म पाइपलाइनमा छन् । उनी सधै हरेक कुरामा बोल्न पनि पछि नपर्ने नायिकामा गनिन्छिन् । उनले फिल्म ‘लुका छुपी’ मा सबै क्रेडिट र्कातिक आर्यनलाई दिइएकोमा पनि आवाज उठाएकी थिइन् । पछिल्लो समय उनको चर्चा झनभन्दा झन थपिँदै गएको छ ।