काठमाडौं– ‘हाम्रो नगर हाम्रो गाउँ, सबै बालबालकिा विद्य लय पुर्‍याऔँ’ भन्ने नारासहित विद्यालय भर्ना अभियान शुरु भएको छ ।

आइतबार सरकारी बिदाका कारण सोमबारबाट विद्यालय भर्ना अभियानको शुरुवात भएको शिक्षा मन्त्रालयले जनाएको छ ।

शिक्षा मन्त्रालयका अनुसार विद्यालय जाने उमेर समूहको पूर्व प्राथमिक कक्षा (४ वर्ष उमेर) का २२ प्रतिशत र आधारभूत तह (कक्षा १ देखि ५) का ३.४ प्रतिशत बालबालिका विद्यालय बाहिर रहेका छन् ।

विद्यालयबाहिर रहेका सबै बालबालिकालाई विद्यालयमा ल्याउन र विद्यालयमै टिकाइराख्न ‘ड्रपरेट’ घटाउन सरकारले हरेक वर्ष विद्यालय भर्ना अभियान सञ्चालन गर्दै आएको छ ।

तर, युनिसेफले गरेको एक सर्वेक्षण अनुसार कक्षा १ मा भर्ना भएकामध्ये ८६ दशमलव ८ प्रतिशत बालबालिका मात्रै कक्षा ५ मा र ७४ दशमलव ६ प्रतिशत कक्षा ८ मा पुग्ने गरेको देखिएको छ । कक्षा १० मा पुग्दा यो संख्या अझै कम हुने गरेको छ ।