मुम्बई – सन् २०१८ मा रिलिज भएको श्रीराम राघवन निर्देशित फिल्म ‘अन्धाधुन’ मा आयुष्मान खुरानाले मुख्य भूमिका निभाएका थिए । फिल्म बक्स अफिसमा सुपरहिट भयो । समीक्षात्मक रुपमा पनि राम्रो प्रतिक्रिया आयो । यो फिल्मले चीनमा पनि कमालको व्यापार गर्‍यो । चीनमा फिल्मले एक हप्तामा १ सय ५० करोड कमाइ गर्‍यो ।

‘अन्धाधुन’ मा आयुष्मानका अलावा, तब्बु र राधिका आप्टेले काम गरेका थिए । फिल्ममा आयुष्मान एक दृष्टिविहीन पियानिस्टको भूमिकामा देखिन्छन् ।

यतिबेला खबर आएको छ कि, फिल्मका निर्देशकले फेरि अर्को थ्रीलर फिल्म बनाउँदैछन् । जुन फिल्मलाई रमेश तौरानीले निर्माण गर्ने पक्का भइसकेको छ ।

‘अन्धाधुन’ को रिलिज सकिएपछि यो फिल्मको काम थालिने बताइएको छ । राघवनलाई शानदार निर्देशकका रुपमा बलिउडमा चिन्ने गरिएको छ । उनले यो प्रोजेक्टका लागि लिएर चासो देखाएका छन् ।

निर्माताले यतिबेला फिल्मको स्किृप्टमा काम भइरहेको र छिट्टै एक्टर कास्ट लिने बताएका छन् । फिल्मलाई अन्य फिल्मझैँ रुचिपूर्ण बनाउने योजनामा निर्देशक रहेको बताइएको छ ।