काडमाडौं- गैरसरकारी संस्था महासंघ नेपाल, काठमाडौ शाखाको अध्यक्षमा प्रदीप डंगोल चयन भएका छन् । महासंघको नवौं अधिवेशनले डंगोललाई सर्वसम्बत निर्वाचित गरेको हो ।

त्यस्तै समितिको उपाध्यक्षमा रत्न उप्रेती तथा सचिवमा राम भट्टराई चयन भएका छन् । बिहीबार सम्पन्न संस्थाको अधिवेशनले समितिको सहसचिवमा धनप्रसाद आचार्य, कोषाध्यक्षमा पम्फा परियारलाई चयन गरेको छ । सदस्यहरुमा चिरञ्जीवी अधिकारी, अन्जु बराल बिश्वकर्मा, बालकुमारी दर्लामी, तारा भण्डारी, दिनेश खतिवडा, निर्मल उप्रेती र पूर्वअध्यक्ष रञ्जु नापित चयन भएका छन् ।

नयाँ जिम्मेवारीलाई नतिजामुखी बनाएर काम गर्ने नवनिर्वाचित अध्यक्ष डंगोलले बताएका छन् । महासंघको काठमाडौं शाखाले सामाजिक संस्थाको सुदृढिकरण गर्दै अघि बढने योजना बनाएको नवनिर्वाचित सचिव राम भट्टराईले जानकारी दिए । खबरहबसँग कुरा गर्दै भट्टराईले नयाँ कार्यसमितिले संस्थालाई सुदृढ र मजबुद बनाउनुका साथै देशलाई समृद्ध बनाउन नागरिक समाजको तर्फबाट खेल्नुपर्ने भूमिकालाई शसक्त बनाउने बताए ।

उनले नयाँ कार्यसमितिमार्फत संस्थागत विकाससँगै संविधान कार्यान्वयनका लागि नागरिकसमाजका तर्फबाट पहल गर्ने, स्थानीय तह, प्रदेशसभा तथा केन्द्रमा चाहिने कानुन निर्माणका लागि सहयोगी भूमिका निर्वाह गर्ने बताए ।