काठमाडौं – अभिनेता सौगात मल्लले पछिल्लो समय खासै हिट फिल्म दिन सकेका छैनन् । भलै उनका हातमा एकपछि अर्को फिल्म छन् ।

केही वर्षयता सौगात मल्ल र नायिका सृष्टि श्रेष्ठ प्रेमसम्बन्धमा छन् । ‘गाजलु’ गर्ल सृष्टि श्रेष्ठले यो फिल्मबाट राम्रो चर्चा पाइन् । तर उनका हातमा अरु राम्रा फिल्म परेनन् ।

उनलाई नरेश कुमार केसी निर्देशित फिल्म ‘रोमियो एण्ड मुना’ बाट आशा थियो । तर, फिल्मले बक्स अफिसमा कमाल गर्न सकेन ।

भलै सृष्टिले पनि पछिल्लो समय काम पाएकै छिन् । अझ पछिल्लो समय त के छ भने सौगात र सृष्टिलाई निरन्तर सँगै फिल्ममा देख्न थालिएको छ । यसको पछिल्लो उदाहरण हो, ‘माछा माछा’ ।

भलै फिल्म चलेन तर सौगातलाई अभिनय गराएपछि फिल्मको एक गीतमा भए पनि सृष्टिलाई अभिनय गराइएको थियो ।

अहिले त अझ के हल्ला चलेको छ भने कुनै फिल्म यदि सौगातलाई अफर भयो भने उनले सृष्टिलाई पनि सिफारिस गर्छन् । सृष्टिलाई कुनै फिल्म अफर भयो भने सौगातलाई अफर गर्छिन् ।

हालै अफर भएको एक फिल्ममा त सृष्टिले अझ मेकअप आर्टिस्ट समेत आफूले भनेको हुनुपर्ने भन्दै सिफारिस गरेकी थिइन् ।

सौगात र सृष्टिले खासै सफल फिल्म त दिन सकेका छैनन् । तर, मेकरले यी दुईमाथि लगानी गर्न पनि डराइरहेका छैनन् । एकजनालाई राख्दा अर्कोलाई पनि राख्नुपर्ने तर्क पक्कै राम्रो होइन ।

किनकि, कथाले सधै सौगात र सृष्टिलाई नै माग्छ भन्ने छैन । एकअर्कालाई साथ दिनु त बेग्लै कुरा भइहाल्यो । तर, फिल्ममा नै दुवैलाई लिनुपर्ने तर्क अलि जायज नभएको फिल्म वृत्तमा गाइँगुइँ चल्ने गरेको छ ।