काठमाडौं–सत्तारुढ दल नेपाल कम्युनिस्ट पार्टी (नेकपा) का नेता एवं पूर्व प्रधानमन्त्री माधव कुमार नेपालले सिन्धुपाल्चोकमा १४ जना को मृत्यु हुने गरि भएको बस दुर्घटनाले स्तब्ध बनाएको बनाएका छन् ।

उनले दु:खको यस घडीमा मृतकजनहरु प्रति हार्दिक श्रद्धान्जली, परिवार जनमा समवेदना साथै घाइते भएकाहरुको सिघ्र स्वास्थ्यलाभको कामना गरेका छन् ।

नेता नेपालले पछिल्लो समयमा सडक दुर्घटनामा ठूलो जनधनको क्षति भएको प्रति गम्भीर भई सडक यातायातलाई सुरक्षित बनाउन तत्काल प्रभावकारी कदम चाल्न नेपाल सरकार सहित सम्बन्धित निकायको ध्यानाकर्षणसमेत गराएका छन् ।

दोलखाको कालिञ्चोकबाट भक्तपुरतर्फ आउँदै गरेको बा ४ ख ४४६८ नं को रिजर्भ बस आज बिहान ८: १५ बजे सडकबाट करीब १०० मिटर तल खसेर दुर्घटना परेको थियो । दुर्घटनामा १४ जनाको मृत्यु भएको प्रहरी प्रवक्ता विश्वराज पोखरेलले जानकारी दिए ।

बस सडकबाट कम्तिमा पाँचसय मिटर तल खसेको छ । दुर्घटनामा ८ जना महिला, तीनजना पुरुष, दुई बालक र एक बालिका गरी १४ जनाको शव प्राप्त भएको प्रहरीले जनाएको छ ।