कास्की– नेपाल भ्रमणमा रहेका बंगलादेशका राष्ट्रपति मोहम्मद अब्दुल हमिदले विहीबार पर्यटकीयन नगरी पोखराको भ्रमण गरका छन् ।

भ्रमणकै क्रममा उनी कास्कीको रुपाकोट पुगे । त्यहाँ उनलाई सम्मानसहित गाउँपालिकाले उपहारस्वरुप काठको ठेकी प्रदान गरेको छ ।

फेवातालमा जलविहारपछि राष्ट्रपति हमित रुपाकोट पुगेका हुन् । रुपाकोट रिसोर्टबाट उनले हिमाल र तालको प्राकृतिक सौन्दर्यमा रमाएका थिए । उनले त्यहाँबाट देखिने माछापुछ्रे हिमालको दृश्यावलोकन गरे ।

राष्ट्रपति हमिदसँग भौतिक पूर्वाधारमन्त्री रघुवीर महासेठ, गण्डकी प्रदेशका भौतिक पूर्वाधारमन्त्री रामशरण बस्नेत, आन्तरिक मामिलामन्त्री हरिबहादुर चुमान, प्रतिनिधिसभा सदस्य खगराज अधिकारीसँगै रुपाकोट पुगेका थिए ।राष्ट्रपति रुपाकोटबाट फर्किँदा स्थानीयले घाटु, सोरठी, झाँकीसहित स्वागतसँगै विदाई गरेका थिए ।