टिभी कलाकार श्वेता तिवारीले आफूले घरेलु हिंसामा परेको भन्दै हालै उजुरी दिएकी छिन् । यो खबरसँगै यो विषय चर्चामा आएको छ ।

श्वेताको पहिलो बिहे घरेलु हिंसाका कारण असफल भएको थियो । पछि उनले अभिनवसँग दोस्रो बिहे गरेकी थिइन् । श्वेताले यो पनि भनेकी थिइन् कि अभिनवले आफ्नी सौतेली छोरी पलकसँग पनि दुर्व्यवहार गर्ने गर्थे ।

श्वेता र उनका पूर्वपति राजा चौधरीकी छोरी हुन् पलक ।

पलकले पनि आफ्ना बाबुप्रति आरोप लगाएकी छिन् । उनले इन्स्टाग्राममका माध्यमबाट दर्शकलाई धन्यवाद दिँदै लेखेकी छिन् कि, घरभित्र के हुन्छ, तपाईंलाई थाहा हुँदैन । मेरी आमाले दुवै बिहेमा धैर्य देखाइन् ।

पलकले अगाडि लेखिन्, मेरा सौतला बुबाले मलाई कहिल्यै पनि गलत तरिकाले छोएनन् । शारीरिक शोषण गरेनन् । तर उनले यस्ता कमेन्ट गर्थे कि, जो कुनै पनि महिलालाई सुनाउँदा लाज लाग्छ । तपाई‍ं यस्ता खालका कुरा आफ्ना बुबालाई सुनाउन मन पराउनुहुन्न ।

राजा चौधरीको पनि प्रतिक्रिया

श्वेताका पूर्वपति तथा पलकका पिता राजा चौधरीले यो घटनापछि चिन्ता व्यक्त गरेका छन् । उनले एक पिताका लागि यो चिन्ताको विषय भएको बताएका छन् । उनी पलकसँग सम्पर्कमा भएको पनि बताएका छन् ।