काठमाडौं –इंग्लिस प्रिमियर लिग क्लब म्यान्चेस्टर युनाइटेड स्टार खेलाडी पाउल पोग्वाका लागि स्पेनिस क्लब रियल मड्रिडबाट आएका सबै प्रस्ताव अस्वीकार गरेको छ ।

स्पेनको सरुवा बजार खुल्ला रहँदा रियलले पोग्वाका लागि युनाइटेडसँग प्रस्ताव राखे पनि युनाइटेडले सबै प्रस्ताव अस्वीकार गरेको इएसपीएनले जनाएको छ ।

ला लिगाको सरुवा बजार सेप्टेम्बर २ सम्म खुल्ला रहने हुँदा रियलले युनाइटेडसँग प्रस्ताव गरेको थियो । रियल १ सय८० मिलियन पाउण्ड दिने प्रस्ताव गरेपनि युनाइटेडले पोग्वाको रिप्लेसमेन्ट नभेटाउँदा रियलको प्रस्ताव अस्वीकार गरेको हो ।

आइतबार बिहान भएको प्रिमियर लिगको पहिलो खेलमा चेल्सीलाई ४–० गोलले पराजित गर्दा पोग्वाले भनेका थिए,‘अझै पनि मेरो भविष्यलाई लिएर प्रश्न यथावत छ ।’

त्यस्तै, पोग्वाले अघिल्लो सिजनको अन्त्य देखि नै नयाँ चुनौतिका लागि तयार रहेको बताउँदै आएपनि युनाइटेडले उनलाई बाहिर पठाउन भने सकेको छैन् ।