एजेन्सी– भारत प्रशासित कश्मीरमा भारतीय सुरक्षा बललाई निशाना बनाएर भएको बम आक्रमणमा ज्यान गुमाउनेको सङ्ख्या ४० पुगेको छ ।
जम्मु कश्मीर सरकारका सल्लाहकार के विजय कुमारले भारतको एएनआई समाचार संस्थालाई दिएको जानकारीअनुसार कश्मीरको अवन्तिपोरा क्षेत्रमा भएको आक्रमणमा ज्यान गुमाउनेको सङ्ख्या ४० आसपास रहेको जानकारी दिएका हुन् ।
यसअघि कश्मीरमा सक्रिय लडाकु समूह जैश ए मोहम्मदले जिम्मा लिएको आक्रमणमा भारतीय सुरक्षा बल सीआरपीएफका १२ सैनिकको ज्यान गएको समाचार आएको थियो ।
सडक नजिकै रोकेर राखिएको अटोरिक्सामा विष्फोटक पदार्थ राखिएको र सुरक्षा बलको सवारीलाई लक्षित गरी विष्फोट गराइएको भारतीय सञ्चारमाध्यमले जनाएका छन् ।
प्रतिक्रिया