काठमाडौं– १२ औँ दक्षिण एसियाली शारीरिक सुगठन प्रतियोगिता साउनमा हुने भएको छ ।
दक्षिण एसियाली शारीरिक सुगठन तथा फिटनेस महासंघ र नेपाल शारीरिक सुगठन तथा फिटनेस महासंघको संयुक्त आयोजनामा प्रतियोगिता साउन ३ र ४ गते काठमाडौंमा हुन लागेको हो ।
प्रतियोगिता नेपालले यो सहित तेस्रो पटक आयोजना गर्न लागेको हो । कमलादीस्थित प्रज्ञा भवनमा हुने प्रतियोगितामा दक्षिण एशियाली राष्ट्रहरुबाट खेलाडी, निर्णायक र अफिसियल गरी १ सय ३० जना सहभागी हुने जनाइएको छ ।
नेपालबाट १८ विधामा २३ खेलाडी र ५ अफिसियल गरी २८ जनाको सहभागी हुने आयोजकले बताएको छ । प्रतियोगिताका लागि १ करोड ३६ लाख खर्च हुने अनुमान गरिएको छ ।
प्रतिक्रिया