बाँके- देशभर वर्षाले जनजीवन प्रभावित भएको छ । त्यसमा पनि घुम्न हिँडेका धेरै पर्यटक अलपत्र पर्ने गरेका छन् । हुम्लाको सिमीकोटमा मौसममा आएको खराबीले उडान अवतरण हुन नसक्दा सिमीकोट हुँदै चीनको मानसरोवर जाने पर्यटक अलपत्र परेका छन् ।

मानसरोवरलाई लक्षित गरी नेपालगञ्ज विमानस्थलबाट तारा, समिट र सिता एयलाइन्सले सिमीकोट तर्फ उडान गर्ने गरेपनि मौसममा आएको खराबीले हवाइ उडान नभएको नागरिक उड्यन प्राविधिकरण नेपालगञ्ज विमानस्थलका निर्देशक प्रेम नाथ ठाकुरले बताए।

तीन दिनसम्म उडान नहुँदा झन्डै २ सय पर्यटक अन्योलमा परेका हुन् । मौसम खराब भएपछि नेपालगञ्ज ट्रान्जीट हुँदै मुगुको सिमीकोट जान अड्किएका मध्ये ९० प्रतिशत पर्यटक भारतीय छन् । झन्डै १२ दिनमा सकिने मानसरोवर यात्रा चार दिन देखिको बर्सातका कारण अनिश्चीत समय लम्बिन सक्ने अवस्था देखिएको छ ।