एजेन्सी– सिरियामा मानवताविरुद्धको अपराधमा संलग्न रहेको अभियोगमा जर्मनीमा २ सिरियाली पक्राउ परेका छन् । सिरिली जासुसी निकायमा काम गर्ने दुई पूर्व सिरियाली जासुसलाई जर्मनीको संघीय प्रहरीले पक्राउ गरेका हु्न् ।

उनीहरुलाई राजधानी बर्लिन र राइन–प्यालाटाइन राज्यबाट गिरफ्तार गरिएको संघीय जर्मन प्रहरीले जनाएको छ । पक्राउ पर्ने दुईमध्ये दुबैजना सिरियामा यातनामा संलग्न रहेको र अर्का एकजना हत्यामा संलग्न रहेको बताइएको छ ।

दुबैजना सन् २०१२ मा सिरियाबाट जर्मनी प्रवेश गरेको अधिकारीले जनाएका छन् ।

दुबैजना सन् २०११ र २०१२ मा राजधानी दमास्कसमा रहेको बन्दीगृहमा सरकारविरोधी नेता कार्यकर्ताविरुद्ध संस्थागत यातना तथा मानवताविरुद्धको अपराधमा संलग्न रहेको जर्मन सञ्चारमाध्यमले जनाएका छन् ।