लक्ष्मण ढुंगाना
बर्दिया– बर्दियामा घर नजिकैको खोलामा डुवेर २ जनाको मृत्यु भएको छ । ठाकुरवावा नगरपालिका वडा नम्वर ६ मोतिपुर स्थित गिठेखोलामा पौडी खेल्नेक्रममा दुई बालबालिकाको मृत्यु भएको ईलाका प्रहरी कार्यालय भुरीगाउँले जनाएको छ ।

मृत्यु हुनेमा ठाकुरवावा नगरपालिका वडा नम्वर ६ मोतिपुरका राम बहादुर गिरीकी १० बर्षीया छोरी सीता गिरी र केशव नाथ योगीका ८ बर्षीय छोरा धु्रबनाथ योगी रहेको प्रहरीले जनाएको छ ।

शनिवार बेलुकी ५ बजे तिर गिठेखोलामा ड्याम बनाउनेक्रममा खाल्डो खनेको स्थानमा जमेको पानीमा नुहाउन लाग्दा डुवेर मृत्यु भएको ईलाका प्रहरी कार्यालय भुरीगाउँका प्रहरी निरिक्षक प्रदिप कुमार डीसीले जानकारी दिए ।

घटना लगत्तै नेपाली सेना, प्रहरी, जनप्रतिनिधि लगायत उद्धारका लागि खटिएको थियो । ड्याम बनाउने क्रममा खनीएको खाल्डोमा डुवेका उनीहरुलाई नेपाली सेनाको शिवदल गणवाट खटीएको टोलिले मृत्यु भईसकेको अवस्थामा उद्धार गरेको थियो।