काठमाडौं– मार्क वुड र जोर्फा आर्चरको उत्कृष्ट बलिङमा वेष्ट इन्डिजले इंग्ल्याण्डलाई २ सय १३ रनको लक्ष्य दिएको छ । ‘ह्यामसायर वो’मा भएको खेलमा टस हारेर पहिले ब्याटिङ गरेको वेष्ट इन्डिजले ४४.४ ओभर खेल्दै सबै विकेट गुमाएर २ सय १२ रन मात्रै बनायो ।

इन्डिजविरुद्ध इंग्ल्याण्डका बलरहरुले कसिलो बलिङ गरे । जसमा वुड र आर्चरले समान ३–३ विकेट लिए । इंग्ल्याण्डविरुद्ध इन्डिजका निकोलास पुरनले सर्वाधिक ६३ रन बनाए । उनले ७८ बलको सामना गर्दै ६३ रन बनाएका हुन् । यस्तै, सिमरन हेटमायरले ३९ रन बनाउँदा ओपनिङ ब्याट्सम्यान क्रिस गेलले ३६ रन, आन्द्रे रसेलले २१ रन र कार्लोस बार्थवेटले १४ रन बनाए ।

इन्डिजविरुद्ध इंग्ल्याण्डका लागि घातक बलिङ गरेका जोर्फा आर्चरले ९ ओभरमा ३० रन खर्चेर ३ विकेट लिए भने ६ ओभरमा वुडले १८ रन खर्चेर ३ विकेट लिए । यस्तै, जोइ रुटले २ विकेट लिँदा लिम पुलिनकेट र क्रिस वार्कसले समान एक–एक विकेट लिए ।