काठमाडौं– चिठ्ठामा २५ लाख परेको भन्दै ठगी गरेको आरोपमा प्रहरीले दुई जनालाई पक्राउ गरेको छ ।

‘इमो’ मार्फत इलामका पासाङ शेर्पालाई चिठ्ठामा २५ लाख रुपैयाँ परेको भन्दै त्यसबापत लाग्ने कर रु १ लाख २० हजार रुपैयाँ ठगेको आरोपमा विराटनगर महानगरपालिका–११ बस्ने २३ वर्षीय निरज मरिक र मोरङ धनपालथान गाउँपालिका–६ बस्ने ३६ वर्षीय श्रवण मलहालाई मोरङ प्रहरीले प्रक्राउ गरेको हो ।

पक्राउ परेका हरुले इलामका शेर्पालाई चिठ्ठामा परेको रकम पाउनलाई पहिला राजस्व बुझाउनुपर्ने भन्दै पटक–पटक गरी १ लाख २० हजार रुपैया बैंक खातामा हाल्न लगाई फरार भएका थिए । प

क्राउ परेका मलाहा गत वर्ष पनि ठगीमा पक्राउ परी जिल्ला अदालत मोरङबाट रु दुई लाख धरौटीमा छुटेका थिए । उनीहरुलाई ठगी सम्बन्धी कसूरअन्तर्गत कारबाही प्रक्रिया अगाडि बढाइएको प्रहरीले जानकारी दिएको छ ।