एजेन्सी – अघिल्लो हप्ता इङ्ग्लिस क्लब चेल्सीबाट स्पेनिस महारथि रियल मड्रिडमा आवद्ध भएका इडन हजार्ड पहिलो पटक रियलको जर्सीमा सार्वजनिक भएका छन् ।

बिहीबार रियलको जर्सी लगाएका हजार्डले रियलका स्टार गोल स्कोरर गलाटिको जस्तै बन्न नसकेपनि उनी जस्तै खेल्ने प्रयास गर्ने बताएका छन् ।

५० हजार प्रशंसकभन्दा धेरैको अगाडि रियलबाट आधिकारीक रुपमा सार्वजनिक भएका हजार्डले बर्नबेउमा सक्दो राम्रो खेल्ने बताएका छन् । बेल्जियमका २८ वर्षे फरवार्ड १ सय ५० मिलियन पाउण्डमा रियलमा आवद्ध भएका थिए ।

गएको सिजनमा निकै कमजोर प्रदर्शन गरेको रियल मड्रिडले कुनै पनि उपाधि उचाल्न सकेन । अहिले टिम बनाउने दौडमा रहेको रियलले टोलीलाई बलियो बनाउने क्रममै हजार्डलाई टिममा आवद्ध गरेको हो ।

‘रियल मड्रिडबाट खेल्नु मेरो सानै देखिको सपना थियो,’ हजार्डले भने,‘म विश्वको एक उत्कृष्ट खेलाडी बन्ने कोसिस गर्छु । तर, पहिले म आफ्नो टिम विश्वकै राम्रो बनाउने प्रयास गर्छु ।’

उनले अगाडि भने,‘म ग्लाटिको त होइन । तर, म राम्रो खेल्ने प्रयास गर्नेछु । अहिले म इडन हर्जाड नै हुँ ।’

बेल्जियम र चेल्सीमा रहँदा १० नम्बर जर्सी लगाएर मैदान उत्रिने गरेका हर्जाडको जर्सीमा नम्बर लेखिएको छैन । रियलमा १० नम्बर जर्सी लुका मोड्रिचले लगाउँदै आएका छन् ।