इरान– इरानमा ग्याँसको पाइपलाइनमा विष्फोट हुँदा कम्तीमा ४ जनाको मृत्यु भएको छ । दक्षिणपश्चिम इरानमा भएको घटनामा अरु ५ जना घाइते भएको इरानको इस्ना समाचार संस्थाले जनाएको छ ।
मारिनेमा एक बालक तथा एक महिलासमेत रहेको बताइएको छ । दक्षिणपश्चिम इरानको अहवान शहरबाट महाशहर शहरसम्म जोडिएको ग्यासको पाइपलाइनमा विष्फोट भएको हो ।
पाइपबाट ग्याँस चुहिएको स्थानमा विष्फोट भएको र विष्फोटनबाट आसपास रहेका सवारी साधनमा आगलागी भएको इस्नाले जनाएको छ ।
इरानमा धेरै नै पुराना पूर्वाधार तथा सुरक्षाको उचित प्रबन्धको कमीका कारण बेलाबेला यस्ता दुर्घटना हुने गरेका छन् ।
प्रतिक्रिया