काठमाडौं – हास्यकलाकार तथा अभियन्ता सीताराम कट्टेल ‘धुर्मुस’ र कुञ्जना घिमिरे ‘सुन्तली’ ले छोरीको जन्मदिन पारेर चितवनमा निर्माण हुन लागेको ‘गौतम बुद्ध अन्तर्राष्ट्रिय क्रिकेट रंगशाला’ लाई १ लाख सहयोगको घोषणा गरेका छन् ।

धुर्मुसले बिहीबार सामाजिक सञ्जाल फेसबूकममा एक स्टाटस पोस्ट गर्दै धुर्मुस सुन्तलीले छोरी सुबिहानी कट्टेलको जन्मदिन पारेर सहयोगको घोषणा गरेका छन् । धुर्मुस सुन्तलीले १ लाख ११ हजार १ सय ११ रुपैयाँ सहयोग गर्ने घोषणा हुन् ।

‘हाम्री प्यारी छोरी सुबिहानीको जन्मदिनको अवसरमा हामी निर्माणाधीन रङ्गशालाका लागि सहयोग गर्न चाहन्छौं’ धुर्मुसले फेसबूकमा लेखेका छन् ‘हाम्रा हरेक विशेष अवसरलाई यसरी नै समाजसेवा र राष्ट्र निर्माणमा लगाउने हो भने यो देश हाम्रै पालामा बन्नेछ ।’

रङ्गशालाको बिशेष कामले चितवन पुगेका धुर्मुस सुन्तली बुधबार बेलुकी काठमाडौं फर्किएका थिए । यतिबेला रंगशाला निर्माणको फिल्डको काम थालनी भइरहेको छ । केही दिनअघि मात्र धुर्मुस सुन्तली फाउन्डेसनले सामाजिक सञ्जाल फेसबूकमा लाइभ गरेर रंगशाला निर्माणको बारेमा जानकारी गराएका थिए ।