काठमाडौं– धितोपत्र (शेयर बजार)मा ५ लाखभन्दा कमको लगानी गर्ने (साना लगानीकर्ता)ले स्थायी लेखा नम्बर (प्यान) नलिए पनि हुने भएको छ ।

नेपाल लधितोपत्र बोर्ड (सेबोन)ले प्रेश विज्ञप्ती जारी गर्दै साना लगानीकर्ताका लागि प्यान नम्बर लिनुपर्ने व्यवस्था ऐच्छिक गरिएको जनाएको छ ।

सरकारले यसअघि आगामी वैशाख १ गतेबाट सबै शेयर लगानीकर्ताका लागि प्यान नम्बर अनिवार्य गर्ने निर्णय गरेको थियो । तर, विभिन्न पक्षबाट प्राप्त सुझावपछि ५ लाखभन्दा कमको कारोबार गर्ने लगानीकर्ताका लागि ऐच्छिक गरिएको सेबोनले जनाएको छ ।

५ लाखभन्दा बढीको कारोबार गर्ने लगानीकर्ताले भने आगामी वैशाख १ गतेदेखि अनियार्व रुपमा प्यान नम्बर लिनुपर्ने छ ।

सरकारले चालू आर्थिक वर्ष २०७५/०७६ को नीति तथा कार्यक्रम र बजेट कार्यान्वयन कार्ययोजनामा दोस्रो बजारमार्फत शेयर खरिद खर्ता लगानीकर्ताले अनिवार्य रुपमा प्यान नम्बर लिएको प्रमाण पेश गर्नुपर्ने व्यवस्था समेटेको थियो ।