काठमाडौं– दीर्घ श्वासप्रश्वास अवरोध रोग फोक्सो र फोक्सोमा रहेका हावाका नलीहरु स्थायी रुपमा क्षति भएर सास फेर्न कठिनाइ हुने अवस्था हो ।
दीर्घ श्वासप्रश्वास अवरोध रोगको प्रक्रियालाई दम रोगको जस्तो औषधीले पूणरुपमा निको गर्दैन ।
औषधीको प्रयोगले मात्र यसबाट हुने जटिलताहरुको रोकथाम गर्न सकिन्छ ।
विश्वव्यापीरुपमा धुम्रपान नै यसको मुख्य कारण मानिएको छ ।
प्रदुषित वातावरणले पनि यो रोगलाई नकारात्मक असर पारिरहेको हुन्छ ।
घरभित्र हुने प्रदुषित हावा (दाउरा र गुइँठा बालेर खाना पकाउँदा, परम्परागत धुवाँले रुमलिएको चुल्हो, धान, कोदो चुट्दा उडेको कण, कलकारखानामा काम गर्दा, रासायनिक पदार्थको धेरै प्रयोग) ले दीर्घ श्वासप्रश्वासका रोगीलाई धेरै असर गर्छ ।
दीर्घ श्वासप्रश्वास अवरोध रोगका लक्षणहरु
घ्यार्रघ्यार्र हुनु ।
साना काम गर्दा पनि सास फेर्न गाह्रो हुनु ।
खकारयुक्त खोकी लाग्नु ।
छाती दुख्नु ।
धेरै थकाई लाग्नु ।
श्वासप्रशवास सम्बन्धी संक्रमण पटकपटक हुनु ।
कसरी बच्ने ?
बिरामीलाई ज्वरो आएमा खकार पहेँलो भएका चिकित्सकको सल्लाहमा औषधि खानुपर्छ ।
रोग धेरै बढेमा बिरामीलाई अस्पताल भर्ना गर्नुपर्छ ।
धुम्रपान गर्ने बानी गर्नुहुदैन । यदि धुम्रपान गर्ने बानी छ भने तुरुन्तै छोड्नुपर्छ ।
धुवाँरहित चुलोको प्रयोग तथा घरभित्र वायु प्रदूषण वातावरणमा काम गर्नुपरेमा गुणस्तरीय मास्क लगाउनुपर्छ ।
रोगको गम्भीर अवस्थाको कुनै लक्षण देख्नेबित्तिकै चिकित्सककहाँ वा अस्पताल लानुपर्छ ।
नियमित औषधि सेवन गर्नुपर्छ ।
गम्भिर किसिमको संक्रमण भई अझ स्थिति बिग्रन नदिन चिकित्सकको परामर्शमा खोप पनि लगाउन सकिन्छ ।
दीर्घ श्वासप्रश्वास अवरोध रोग पूर्णरुपमा निको नहुने भएकाले यसबाट हुने जटिलताहरुलाई रोकथाम गर्नुपर्छ ।
प्रतिक्रिया