काठमाडौँ — नेपाली कांग्रेसका नेता प्रकाशमान सिंहले राष्ट्रिय खेलाडीलाई सरकारले रोजगारी दिनु पर्ने बताएका छन् ।

कराँते महासंघ ललितपुरले सागमा पदक विजेता खेलाडी तथा प्रशिक्षकहरूलाई शनिबार नगद र प्रमाणपत्रसहित सम्मान गरेको कार्यक्रममा नेता सिंहले खेलाडीलाई सरकारले रोजगारी दिनु पर्ने बताएका हुन् ।

१३ औं दक्षिण एसियाली खेलकुद (साग)मा पदक विजेता कराँते खेलाडी तथा प्रशिक्षकको सम्मानमा आयोजित कार्यक्रममा नेता सिंहले खेलाडीलाई जीवनयापनका लागि सरकारले रोजगारीको व्यवस्था गरिदिनुपर्ने बताएका हुन् ।

खेलाडीलाई नगद पुरस्कारका अतिरिक्त रोजगारीको सुनिश्चितता गर्नसकेमात्र खेल क्षेत्रबाट अपेक्षा अनुरुपको नतिजा आउने सिहके भनाई छ । सिंहलेसरकारलाई त्यसका लागि योजना निर्माण गरेर अगाडि बढ्न सुझाव दिए ।

सरकारले खेलाडीको मनोबल उच्च बनाउन गरेका प्रयत्न राम्रा भए पनियथेष्ट नभएका सिंहको भनाइ थियो ।