कञ्चनपुर- आगामी मङ्सिर दोस्रो साता हुने उप निर्वाचनका लागि कञ्चनपुरको पुर्नबास नगरपालिका–३ मा पाँच जनाले उम्मेदवारी दिएका छन् ।

पुर्नबास नगरपालिका–३ का लागि हुने वडाध्यक्षको उप–निर्वाचनका लागि अध्यक्ष पदमा नेकपाबाट कृष्णबहादुर तामाङ, नेपाली काङ्ग्रेसबाट दीपबहादुर तामाङ, समाजवादी पार्टीबाट भीमबहादुर तामाङ, राष्ट्रिय प्रजातन्त्र पार्टीबाट पद्मबहादुर शाही र राष्ट्रिय प्रजातन्त्र पार्टी (संयुक्त)बाट श्रीधनबहादुर तामाङको मनोनयन परेको जिल्ला निर्वाचन कार्यालय महेन्द्रनगरका प्रमुख उदयराज जोशीले जानकारी दिए ।

यसअघि उक्त वडाबाट तत्कालीन नेकपा (एमाले)बाट निर्वाचित वडाध्यक्ष फैरु तामाङ जिल्ला समन्वय समितिको संयोजकमा निर्वाचित भएपछि वडा रिक्त थियो । सो वडामा एक हजार १९९ मतदाता रहेका छन ।