काठमाडौं– नेपाल चेम्बर अफ कमर्शका अध्यक्ष राजेशकाजी श्रेष्ठसहितको टोलीले प्रहरी हिरासतमा रहेका उद्योगी रुप ज्योतिलाई भेटेको छ ।

महानगरिय प्रहरी वृत्त दरबारमार्ग पुगेर चेम्बर अफ कर्मर्शका अध्यक्ष श्रेष्ठसहितका प्रतिनिधिले उद्योगी ज्योतिलाई भेटी ऐकबद्धता जनाएका हुन् ।

चेम्बरका अध्यक्ष श्रेष्ठले ज्योतिको पक्षमा आफूहरुको ऐकबद्धता रहेको र अदालतले निष्पक्ष न्याय दिने आशा रहेको बताए ।

‘हामीहरुको ऐकबद्धता उद्योगपति व्यापारिको प्रतिष्ठामा आँच आउन नदिने कुरामा रहेको छ’ श्रेष्ठले भने, ‘सम्मानित अदालतले स्वतन्त्र र निष्पक्ष रुपमा न्याय निरुपण गर्छ भन्नेमा हामी विश्वस्त छौं’ ।

जग्गा खरीद बिक्रीमा ठगीको आरोपमा प्रहरीले ज्योतिलाई बिहीबार त्रिभुवन अन्तर्राष्ट्रिय विमानस्थलबाट पक्राउ गरेको थियो ।