काठमाडौं– नेपाल भ्रमणमा रहेका बंगलादेशका राष्ट्रपति मोहम्मद अब्दुल हमिदले सत्तारुढ दल नेपाल कम्युनिस्ट पार्टीका अध्यक्ष पुष्पकमल दाहाल (प्रचण्ड)को व्यक्तित्वबाट आफू प्रभावित भएको भन्दै प्रसंशा गरेका छन् ।

राष्ट्रपति हमिदले नेपालीको राजनीतिक परिवर्तनमा प्रचण्डले महत्वपूर्ण भूमिका निर्वाह गरेको भन्दै प्रसंशा गरेका हुन् ।

राष्ट्रपति हमिदले आफू प्रचण्डको ‘क्रान्तिकारी व्यक्तित्व र परिवर्तनकारी नेतृत्व’बाट प्रभावित भएको भन्दै प्रसंशा गरेका नेकपाका विदेश विभाग उपप्रमुख विष्णु रिजालले जनाएका छन् ।

रिजालका अनुसार राष्ट्रपति हमिदले प्रचण्डलाई बंगलादेश भ्रमणको समेत निमन्त्रण दिएका छन् ।

२ नेताबीचको भेटवार्तामा नेपाल तथा बंगलादेशबीचको मैत्रीपूर्ण सम्बन्ध, आपसी हित र दुईपक्षीय सहकार्यका विषयमा छलफल भएको जनाइएको छ ।