उदयपुर–कटारी नगरपालिका– ११ गोठडाँडा जङगलमा सिकार खेल्ने क्रममा मंगलबार दिउँसो पड्काएको भरूवा बन्दुकको छर्रा लागेर १ जनाको मृत्यु भएको छ ।
मृत्यु हुनेमा कटारी नगरपालिका–११ गोठडाँडाका ४९ वर्षीय शंकर राउत छन् ।
शंकर गोठडाँडाका ४५ वर्षीय अमृत बहादुर राउत र ३८ वर्षीय हरि भन्ने चक्र बहादुर बस्नेतसँग सिकार जंगल गएका थिए ।
सिकार खेल्न गएकामध्ये अमृत बहादुरले भरूवा बन्दुक पडकाउँदा छर्रा लागेर शंकरको मृत्यु भएको हो । सिकार खेल्ने क्रममा संगै रहेका चक्र बहादुर बस्नेतलाई पक्राउ गरी हाल फरार अमृत बहादुरको प्रहरीले खोजी भइरहेको प्रहरीले जनाएको छ ।
प्रतिक्रिया