अमेरिकाका एक चर्चित र्‍यापर टि.आइ.ले हरेक वर्ष आफ्नी १८ वर्षीया छोरीको कुमारित्व परीक्षण गर्ने बताएपछि हंगामा मच्चिएको छ । अभिनेतासमेत रहेका टि.आइ. ले एक अन्तर्वार्ताका क्रममा यस्तो खुलासा गरेका हुन् ।

उनले हरेक वर्ष छोरीको जन्मदिनका दिन स्त्री रोग विशेषज्ञकहाँ लगेर कुमारित्व परीक्षण गर्ने विदेशी मिडियाले अन्तर्वार्ता उद्धृत गर्दै लेखेका छन् ।

टि.आइ.ले छोरीलाई साइकल चलाउने, घोडा चढ्ने, कडा व्यायाम गर्ने लगायतका काम गर्न नदिएको पनि खुलाएका छन् ।

उनले अन्तर्वार्ताका क्रममा अहिले छोरीलाई यो सबै असहज लाग्न सक्ने तर भविष्यमा बुबालाई धन्यवाद दिने विश्वास टि.आइको छ । यता सामाजिक सञ्जालमा भने यो छोरीमाथि अन्याय गरेको भन्दै टि.आइ.को विरोध गरिएको छ ।