पोखरा– पोखरामा कात्तिक अन्तिम साताबाट शुरु हुने पोखरा प्रिमियर लिग (पीपीएल) का लागि मैदान निर्माण कार्य शुरु भएको छ।
शुक्रबारदेखि पिपिएलका लागि पोखरा रंगशाला स्थित क्रिकेट मैदान सम्याउनेदेखि पिच बनाउने काम शुरु भएको आयोजक क्विन्स इभेन्ट मेनेजमेन्टका प्रबन्ध निर्देशक छुम्बी लामाले जानकारी दिए ।
‘दोस्रो संस्करणको पिपिएलका लागि मैदान निर्माणको काम शुरु भइसकेको छ। यो बर्ष अघिल्लो बर्षको भन्दा राम्रो हुने आशा छ,’ उनले भने।
प्रतियोगिता कात्तिक २६ देखि मंसिर ७ गतेसम्म हुनेछ । पिपिएलमा नेपालका ६ शहरका फ्रेन्चाईज टिमहरुको सहभागिता हुनेछ ।
पिपिएलको पहिलो संस्करणमा घरेलु टोली पोखरा पल्टनले उपाधि उचालेको थियो।
प्रतिक्रिया